華仔冰室

最近旺角開咗好多新餐廳。呢間華仔冰室都開咗一段時間，招牌好搶眼😎今日經過旺角就黎試下。餐廳餐修有風味，環境座位好闊落。比起好多行都行唔到出黎既茶餐廳，呢間真係無敵寬敞🤣入座時雖然係午市，但都沒有逼我哋搭枱坐👍🏻

1

招牌鮮茄焗豬扒飯 （$68）
呢個係餐廳招牌菜，一於叫黎試一試！焗飯即刻焗，上菜時熱辣辣。好多茄汁再加埋芝士做到拉絲效果。豬扒已經幫我哋切咗件，方便啲食。豬扒咬落腍口多汁唔會乾柴柴。

半隻鹽焗雞飯 （$78）
呢個午餐有驚喜，份量好多。係半隻大雞😂唔係細雞仔！而且唔會好肥，焗得都好入味👍🏻個人覺得兩個人都夠食。

跟餐叫咗熱奶茶&熱咖啡，餐廳用黑白奶，奶茶口感幼滑茶香，咖啡係即磨咖啡。兩杯都唔錯！

1