🥩日本黑毛和牛A4+套餐
啲和牛油花勻循，一放入口好似融化咁🤤！配埋伊比利亞黑毛豬梅肉，豬肉味濃得嚟又唔韌👍🏻
🦞海鮮拼盤
鮑魚厚身彈牙、扇貝鮮甜到爆、生蠔肥嘟嘟仲好creamy！全部海鮮都好新鮮，冇雪藏味👍。
🍤蝦蝦霸霸脆多士
多士焗到金黃色，上面鋪滿大隻蝦仁，咬落「索索」聲，香口到停唔到口😋！
聰明魷魚沙茶鍋/🍄養生菇菌燉雞鍋
個聰明魷魚沙茶鍋沙茶味香濃得嚟唔會死鹹，仲帶少少海鮮嘅鮮甜，啱晒鍾意濃味嘅朋友用來涮牛肉同魷魚，特別掛味。而養生菇菌燉雞鍋就係清甜派代表，菇菌嘅天然鮮味同雞湯燉出嚟好溫潤，飲落喉嚨好舒服，唔會覺得油膩👍🏻
🍢台式小食拼盤
墨魚腸、鹽酥雞、雞胗……款款都炸到脆卜卜，好似行緊台灣夜市咁熱鬧🎉！
🍨甜品方面，好中意佢哋嘅蜜桃愛玉冰，清爽之餘又帶點甜，食完火鍋之後嚟返啖，真係好解膩啊！特飲有芒檸蜜西米爽同港式檸檬茶，芒檸蜜西米爽口感好豐富，西米QQ彈彈，芒果肉新鮮多汁；港式檸檬茶茶味濃，酸甜得啱啱好💯
🐂即日起至 2 月 12 號晚市，嚟牛大人呢度點選「日本黑毛和牛 A4+ 套餐」，即刻送你一隻「江蘇太湖大閘蟹」啊！雖然呢隻蟹唔係話好大隻，但係佢入面啲膏啊、肉啊，真係爆晒出嚟😋
食飽飽之後，千祈唔好就咁走人啦，記得玩埋呢個🎲「東南西北」嘅經典小遊戲啊！呢個遊戲真係勾起好多童年回憶啊！玩嘅時候，你可能會得到可愛嘅童年玩具，又或者係牛大人送嘅小禮品啊！🎁快啲嚟試下運氣啦！ 👅
