天氣開始轉涼，又係打邊爐既最好時候🔥。今晚因為想同朋友暖下身、hea住慢慢食，又想用埋迎新着數優惠同儲分升級，就黎左一鍋堂打邊爐。會員有每月定期回贈，包括現金券、折扣券、食物券、延長時間券；黃卡每月有九折、金卡每月有八五折、白金咭每月有八折，幾識慳得既安排，返屋企仲可以繼續儲分換獎賞，食落更開心😉，另外，原來仲推出左全新晚市一人小鍋半自助套餐，下次可以試下先🤣
.
今次食既係日本黑毛和牛A4+任食套餐 $338/位，主打日本黑毛和牛A4+同極尚安格斯牛小排，海鮮方面有鮮甜桶蠔、磯主鮑魚、原隻帆立貝等，仲有自助吧任飲任食。自家製有型茶、特色熟食、季節即食小食同季節涼菜都係放題既一部分，整體選擇豐富，對想一次過試好多款材料既人好岩。
.
一鍋堂既自家麻辣鴨血豆腐鍋好值得一試🫕。麻辣湯底用左大蒜、京蔥、花椒、茴香、辣椒等十多種香料熬成，味道係溫中帶麻、香氣濃烈，入口係暖身又夠層次，吾係單純死辣。鍋入面仲有鴨血同豆腐，鴨血嫩滑，吸滿湯底味道；豆腐細滑綿密，吸味後更加惹味，係冬天打邊爐既暖胃首選。
.
肉類可以無限encore，食肉獸會好滿足🐮🐷🐑。頭盤一定要推介日本黑毛和牛A4+（必食推薦）—油花均勻、肉質柔嫩，輕涮幾秒就香到裂開，脂香同牛肉鮮味平衡得好好。極尚安格斯牛小排口感厚實而有嚼勁，煮熟後牛汁豐富，好有滿足感。仲有其他值得一試既選擇：澳洲M6和牛牛腹肉、南非和牛三花腱、美國特選安格斯牛肉、美國精選牛扒；豬方面有西班牙豬梅肉片、伊比利亞黑毛豬、壽喜燒黑豚肉；仲有紐西蘭羊卷肉，選擇多到可以不停encore。
.
海鮮類新鮮又多款🦐。串串鮮海蝦彈牙帶甜，入口有天然海味同彈性；海蜆多汁爽口，啜湯既時候鮮甜即刻出黎。仲有鮮甜桶蠔、磯煮鮑魚、花雕醉鮑魚、原隻鮑魚、瑤柱干貝華、粒粒墨魚鮮蝦滑、白鱔片、水魷件、美顏花膠等，海鮮既處理同新鮮度都令人放心，煮落鍋後每一啖都好滿足。
.
餃子控要注意—佢地自家製手工水餃真係吾可以錯過🥟。粒粒都好飽滿，皮薄餡靚。韭菜餃韭菜綠油油、香氣夠，食得出係新鮮材料；仲有木耳豬肉水餃、鮮蝦雲吞、媽媽梅菜豬肉餃等，每款都有特色，配埋鍋底或者沾醬都好食。
.
自助區係一大賣點，配料多到令人眼花撩亂🥢。火鍋配料有大埔振興豬骨濃湯汁貢丸，真係爆汁、香菇味好濃郁，非常推介；仲有大埔振興吸汁索魚腐、八吋長蟹柳、大埔振興三星蔥醬爆貢丸、甜不辣、芝士腸、芝士獅子狗，芝士獅子狗入面係濃濃既芝士。蔬菜有唐生菜、油麥菜、粟米、日本南瓜、白玉菇、金針菇；仲有薯粉、泰國媽媽即食麵等，基本上任何你諗到既火鍋配料都有。
.
季節涼菜同冷盤區都幾有心思🧊。涼菜有麻辣雞腎、麻辣豬耳、涼拌芽菜、涼拌木耳、涼拌青瓜，麻辣小菜開胃又清爽；冷盤有凍乾蝦、翡翠螺等，做得新鮮而且切得好靚，當作開胃頭盤好岩。
.
飲品選擇亦多，特別推介佢地既自家製茶同茶酒系列🍹🍦。飲品區有各款紙包飲品、荔枝梳打水、柑桔水、可樂汽水、青島啤酒、生啤、嘉士白、Somerby蘋果酒、百威等。自家製茶有陳皮鴨屎香檸檬茶、五指毛桃山楂水、洛神花茶等，幾有特色, 又可以下下火；而茶酒系列更係特別，將茶同酒配搭得好好：洛神花茶酒、羅漢果菊花茶酒、鴨屎香檸檬茶酒、蜜桃柚子烏龍茶酒，每款都係茶香同酒味互補，想試新鮮風味既可以一試。
1
