金沙角燒鵝小廚

金沙角燉湯小廚呢一間大排檔，食落去水準真係好高！冇諗過一間大排檔環境咁乾淨，而且服務態度好好。一坐低啲侍應就俾咗兩杯水我哋，然後就即刻遞左兩溫暖粒粒嘅燉湯俾我同朋友。

個燉湯飲落去，冇乜味精味道，都飲得出佢燉左好耐，所以個湯水好入味！而且入邊都好足料，包括有杞子同瘦肉等等。

之後呢一個炸得脆卜卜嘅魚，啲蒜蓉炒得勁香身，但一啲都唔會油，每一舊都啖啖肉，送飯一流！

之後呢一個韭菜炒海鮮，真係超足料！入邊仲有啲魚乾、蝦乾、腰果等等，而且又唔會好鹹，真係好好食！

而呢一個泰王骨，食落去酸酸甜甜，而且啲肉同啲骨都唔會好黐實個種，除咗配飯食之外，真係覺得食多幾舊都得！而且肥瘦適中，真係好好食！