那個ㄋㄚˋ ㄍㄜ (利奧坊)

营业中

休息中

雖然成日去大角咀，但係就好少喺大角咀區度食飯，難得之前特登去利奧坊嗰頭，就揀選咗呢間台灣餐廳去食晏。星期日午飯時間要排隊大概10分鐘，服務就一般般，衛生尚可，但係坐得唔算太舒服，繁忙時間要搭枱。我就叫咗個紅燒牛腱湯麵，再加兩粒花枝丸同埋一隻滷水蛋，飲品我就叫咗檸檬蜂蜜加蘆薈。個牛肉麵味道唔錯，尤其係啲牛腱好足秤，又唔算韌，至於杯嘢飲花枝丸同埋滷水蛋味道就中規中矩。一個人大約$100買單，性價比都算幾高。