雲南啊老表黑山羊湯鍋米綫 (上海街)

营业中

休息中

呢晚又食米線店，呢間舖頭食過三次，對上兩次都係食羊肉酸辣米線，今次揀咗食（細）羊雜酸辣上海麵。上海麵係幼麵，估唔到比起米線更加入味，每啖麵都好香羊味好夾！佢嘅羊雜係碎上，其實似啲頭頭尾尾，雜比較有𡁻口，不過下次可能揀返羊肉。湯面加咗韭菜同酸菜，加埋放喺枱上自己加嘅辣菜甫，好味細已經好大碗～試過佢嘅小食辣芽菜、雲耳，今次食土豆絲，伴入咗辣油，爽口好食。另外加咗個「羊鍋骨」，睇菜單張相以為佢係上湯浸，上枱原來係香料烤焗，即叫即焗，幾惹味（冇影到相），$18一舊，同朋友嗌咗一人一舊