影片
更多
2025-05-10
163 浏览
冇幾耐之前喺灣仔見到呢間「米真鮮」，一眼被佢哋嘅裝修風格吸引住，仲以為係日本餐廳，原來係食米線嘅😯估唔到尋晚喺旺角經過見到開咗間分店，所以同朋友仔就入去試下喇！🔺重點🔺免費追加米線📣米線控+大胃王福音🌟📍服務細節一入座店員就主動遞上防污圍裙（好貼心），仲有佢地自家製嘅醃蘿蔔做前菜添，酸辣帶微甜好開胃，咬落「索索聲」，不過提提你🤫都幾辣㗎～ 🐷豬八戒小鍋米線（雞骨湯）$64•湯底：平時我就鍾意食酸辣嘅，不過想試真啲佢嘅原汁原味，所以專登揀雞湯，雞骨湯清甜唔油膩，好濃郁嘅雞味，飲完唔算好口乾。（Tips: 試完原味雞湯，可以用店舖提供嘅炸蒜乾蔥辣粉辣油等等再調味，成個調味料寶盒咁架！）▫️ 配料： - 滷水豬頸肉：薄切爽口，滷水味入到肉 - 豬軟骨：燜到非常入味‼️骨肉分離，軟骨位膠質滿滿 - 豬腰＆豬肝：處理得乾淨冇腥味，豬腰爽脆、豬肝粉嫩 - 豬腸：洗得超乾淨！滷得入味帶少少嚼勁 ▫️ 加配手工粟米餃$12@2粒：粟米粒好甜＋豬肉碎，兩個字--好食！ 🐮牛魔王小鍋米線（酸辣金湯）$64•湯底：酸辣金湯辣度大約係小小辣，入口酸香醒胃～ 朋友仔嗜辣，再加辣，佢話隻辣粉勁正，住得近
🔺重點🔺免費追加米線📣米線控+大胃王福音🌟
📍服務細節
一入座店員就主動遞上防污圍裙（好貼心），仲有佢地自家製嘅醃蘿蔔做前菜添，酸辣帶微甜好開胃，咬落「索索聲」，不過提提你🤫都幾辣㗎～
🐷豬八戒小鍋米線（雞骨湯）$64
•湯底：平時我就鍾意食酸辣嘅，不過想試真啲佢嘅原汁原味，所以專登揀雞湯，雞骨湯清甜唔油膩，好濃郁嘅雞味，飲完唔算好口乾。（Tips: 試完原味雞湯，可以用店舖提供嘅炸蒜乾蔥辣粉辣油等等再調味，成個調味料寶盒咁架！）
▫️ 配料：
- 滷水豬頸肉：薄切爽口，滷水味入到肉
- 豬軟骨：燜到非常入味‼️骨肉分離，軟骨位膠質滿滿
- 豬腰＆豬肝：處理得乾淨冇腥味，豬腰爽脆、豬肝粉嫩
- 豬腸：洗得超乾淨！滷得入味帶少少嚼勁
▫️ 加配手工粟米餃$12@2粒：粟米粒好甜＋豬肉碎，兩個字--好食！
🐮牛魔王小鍋米線（酸辣金湯）$64
•湯底：酸辣金湯辣度大約係小小辣，入口酸香醒胃～ 朋友仔嗜辣，再加辣，佢話隻辣粉勁正，住得近一定成日嚟幫襯
▫️ 配料：
- 麻辣牛舌尖：有咬口，麻辣醃料醜到入味
- 滷水牛舌根：滷水香料味突出
- 牛筋丸：爽口彈牙
- 美國肥牛：正常火鍋肥牛質素，吸湯後加分
▫️ 加配手工韭菜餃$12@2粒：韭菜味好出眾，兩款餃子都值得推介！
🌶️小食半份攻略
1️⃣ 惹味脆卜卜（半份$15) 睇完英文先知原來係炸豆腐卜😂
超脆身！索曬辣汁，咬落「咔吱」聲，香脆可口～
2️⃣ 麻辣海蜇雲耳拍青瓜（半份$16）
海蜇爽脆冇沙，雲耳吸盡麻辣蒜醋汁，青瓜拍得鬆化夠入味
3️⃣ 麻辣豬耳沙律（半份$12）
豬耳切幼絲口感似蒟蒻，麻油香＋花椒後勁，愈食愈上癮
4️⃣ 尖椒滑嘟嘟皮蛋（半份$12）
全場MVP！皮蛋面仲有茄子肉甜甜地，滑溜中帶茄子纖維感，辣度溫和，半份真係唔夠喉😭
🥤飲品解辣組合
- 原味豆漿（$16）：微甜順喉，解辣效果一流
- 無糖豆漿（$16）：豆味香濃，原汁原味，健康之選
💰性價比報告
▫️ 今餐人均$11x食到捧住肚
▫️ 半份小食制度超友好，兩個人可試多款
▫️ 米線免費追加，最平$33都可以食到飽，絕對係糧尾飯堂之選
必點清單🧾：尖椒皮蛋（全份！）、手工餃、豬軟骨
後記：偷聽隔離枱講啲雞雜好似好正好新鮮，mark定下次試埋雞雜小鍋米線～ 😋
张贴
