泰式燒肉放題夠新鮮啦掛！！
今日捐窿捐罅捐到去元朗🏃🏼♀️➡️
地點未必好就腳
但要食好野就唔可以嫌遠嫌麻煩🤭
😆一坐低職員就會送上海鮮拼盤
然後隨即到燒肉自助區
接近三十款既串燒 肉類 蔬菜類任君選擇
多款醬汁提供 更突出泰式風味😉
而熟食區有海南雞 馬拉盞通菜 榴槤麻糬波
生菜包 火山排骨 滷水豬髀 泰式船麵等
仲有我覺得好好味既蒜蓉法包 😋
真係行過都聞到嗰陣蒜香味！！
至於冷盤有生蝦 青木瓜沙律 泰式鳳爪等
🤣另外一定一定要留肚食甜品
任食即叫即製泰式香蕉煎餅
我地試式斑斕口味😌泰廚煎得香脆可口
可以因應個人口味 自己落椰漿及煉奶
又有雪糕杯及千層糕 西米糕 卡達拿拉！
食到口渴？都有大量紙包飲品 啤酒 汽水
仲可以自製泰式奶茶 三色冰 珍多冰特飲tim 🤩
6
90分鐘任燒任拎任食 都係$228
😳驚喜位係完全唔洗加一服務費
晏啲入座仲低至每位$168
由於當晚係星期五 食客不斷
好彩我地有先訂檯咋😏✌🏻
