喜喜冰室

营业中

休息中

好耐無食喜喜，所以今日同男朋友去食飯就提議食喜喜🤤。第一次咁早去食，以前同男朋友黎親食都一定係九點打後。不過就算係七點幾呢啲食飯時間，喜喜都唔算好多人，都仲有好多位。如果有位揀，識坐一定係坐卡位🤣，每次都覺得自己好似坐緊小巴咁。喜喜冰室既裝修行既係懷舊風。講明先，本人對於一啲打住懷舊既旗號，但裝修新簇簇既餐廳，係會覺得好奇怪同突兀🤦🏻‍♀️。不過喜喜既裝修係有落苦功，佢地有啲真係以前既既卡式帶同poster做擺設，再加上一啲香港本地特式既擺設，我係覺得做得幾好既。係門口仲有張乒乓波檯，比人等位或者食完飯玩下👍🏻🏓。除左裝修有特色之外，連檯面既調味盤都有特別。好似菲林筒既係牙籤筒，另外佢地有真係一舊舊既方糖，我第一次見🤩。今次我嗌左乾炒牛河轉米粉（炒米粉愛好者🤣），男朋友就嗌左揚州炒飯。味道上唔算特別好食，不過炒得幾香。份量就岩岩好，夠一個人食飽肚。材料落得好足，我碟乾炒牛米有好多塊牛肉👍🏻。想提既係喜喜既員工服務態度都好好，仲記得第一次去食個陣仲請我同男朋友食蛋撻🤣。同埋係呢到可以食到好多舊式茶記既特式野食。次次黎到都想試佢地既特式野食，但兩個人一人一個碟頭飯就飽曬，根本食唔落其他野🤣。