利豐打冷小廚

营业中

休息中

喺黃大仙做完嘢順便搵嘢食見到仲有懷舊冬菇亭大排檔實在買少見少 大排檔絕對唔係麻甩佬嘅專利 今晚一個人的浪漫~ 坐低先奉上一壺熱茶. 潮州打冷梗係唔少得潮州滷味. 雖然好想食 但一個人真係食唔得幾多 好在有炒粉麵 於是叫咗個 炒貴刁. 望落其實似星洲炒米嘅河粉版. 好有鑊氣 份量相當大 一個女仔雀仔胃 食到一半已經要投降. 見到都係做街坊生意多 食客有唔少認識睇舖三兄妹 仲話由細睇到佢哋大. 喺呢啲地方食嘅 除咗鑊氣 仲有一份濃濃嘅人情味同童年回憶.