簡.聚

营业中

休息中

餐廳環境設計偏簡約風，以乾花和白色為主調。門外有一個好靚的打卡座位，整體感覺休閒自在。是日餐湯和餐包是日餐湯係蘑菇忌廉湯，蘑菇粒十分細軟，口感飲落好creamy，忌廉香味濃郁，另有熱辣辣鬆軟黑糖麵包配湯沾點食用。田園沙律沙律菜同蕃茄都好新鮮，用黑醋拌起黎，口感清新及略帶甜味，黑醋味道十分開胃。香煎日本帶子配三文魚籽龍蝦汁意大利飯帶子圓潤飽滿，兩面都煎到金黃色。龍蝦汁味道濃郁味香，充分覆蓋所有的飯粒。而三文魚子味道鮮味十足，粒粒都飽滿，一咬開就爆漿，豐富了口感。烤菠蘿安格斯牛肉芝士漢堡包配薯條 漢堡包十分有份量，配料有菠蘿、牛肉、生菜和芝士，豐富十足。麵包咬落鬆軟，安格斯牛肉肉質鮮嫩多汁，配搭半溶化既芝士和酸甜既菠蘿，充滿西式風味。凍榛子咖啡忌廉下的榛子和咖啡味道好夾，榛子香味濃厚，而咖啡甘香撲鼻，配搭下甜而不膩，打卡一流。熱泡沫咖啡 咖啡用了一套英式茶具裝住，真係好靚，飲起黎特別有格調。咖啡的奶泡厚厚綿綿，而且有幾片可食用花瓣放在上面，令人有悠閑的心情享用咖啡。