楚撚記大排檔 (日富里百好大廈) (已結業)

呢間餐廳價錢親民，食物質素高。環境有風味，很滿意！首先菜甫銀魚煎蛋角：蛋角火候控制得宜，外脆內嫩，菜甫同銀魚嘅鹹香融入蛋角，好香。而京都骨以腩排製作，大大件之餘肉質鬆軟，酸甜醬汁入味，令人胃口大開。沙爹粉絲金菇牛肉煲好蔥味，撈飯一流！牛肉嫩滑，金菇爽口，粉絲吸收晒沙爹醬汁，味道濃郁惹味，帶少少辣。叫返個蒜蓉炒芥蘭：芥蘭炒得爽脆，大大碟，蒜蓉香味適中。呢度出名豬油撈飯，熱辣辣嘅白飯配上香噴噴嘅豬油，好香好正！