力寶軒

力寶軒係香港老字號酒家，主打傳統潮州菜，今日先試下佢地嘅特色點心。帶老人家嚟食最重要係環境舒服寬敞，呢到乾淨企理，而且上菜速度快，冇餓親老人家😆

蝦餃點心孖寶推廣
呢個餐物超所值，$108食到到兩款價值各$8x嘅人手現製點心。蝦餃大粒結實，蝦肉彈牙。黃金鮑魚雞粒粿，升級版鹹水角，餡料有鮑魚雞粒，切得好大粒。平時鹹水角啲餡料切到肉碎，分不到鮑魚/雞粒，呢到一食就分辨到。

芙蓉瑤柱炒飯
份量足夠4人食～瑤柱同蛋白都落足料，幾乎每啖粒粒分明嘅炒飯都會食到瑤柱同蛋白，一上枱已經聞到香氣~冇乜落調味料都好好味！