影片
更多
2018-12-29
651 浏览
地方唔易搵，未入扒房前搭電梯都已經驚險萬分，雖則只係到2樓但嗰種電梯隨時會故障嘅震動同聲音感覺真係令人心寒。本來環境係唔錯好有懷舊感，枱櫈擺設係我鍾意果類，但係被安排喺廚房門口位置就比較差，不過影相效果都係古典懷舊嘅。食物方便都好多選擇，頭盤主菜甜品飲品最基本，我哋五個人分別叫咗羊架，牛扒，魚墨汁意粉，魚柳南瓜意大利飯，軟殼蟹意大利飯。每位都覺得相當滿意，尤其甜品心太軟水準超越外邊甜品屋。我order嘅岩鹽魚柳南瓜意大利飯，賣相真係好靚好似個蘋果咁，意大利飯釀入南瓜裏面而魚柳放面，所以等左一陣先開餐意大利飯都保持熱辣辣而魚柳就攤凍左，見網上其他食客相個南瓜內壁係厚肉，而我既就冇乜肉，廚師唔同定係南瓜品質唔同呢? 我想食啖啖肉呢， 另外皮比較硬，如果唔係我就會整個南瓜都會食埋。為我地服務嘅男侍應雖然係超級忙碌嘅情況下都會幫我地影相言談甚歡笑容滿面，非常好👍🏻。當我地離開嘅時候因為實在太怕升降機啦，希望男侍應安排我哋行樓梯，可能餐廳有兩個樓梯出口其中一個係要鎖匙，男請示女侍應(應該比較高級吧),但係女侍應表情態度十分之差，感覺就係好似要佢條命一樣，最後男侍應安排我哋通過女廁裏面並冇閂上昌嘅
本來環境係唔錯好有懷舊感，枱櫈擺設係我鍾意果類，但係被安排喺廚房門口位置就比較差，不過影相效果都係古典懷舊嘅。
食物方便都好多選擇，頭盤主菜甜品飲品最基本，我哋五個人分別叫咗羊架，牛扒，魚墨汁意粉，魚柳南瓜意大利飯，軟殼蟹意大利飯。
每位都覺得相當滿意，尤其甜品心太軟水準超越外邊甜品屋。
我order嘅岩鹽魚柳南瓜意大利飯，賣相真係好靚好似個蘋果咁，意大利飯釀入南瓜裏面而魚柳放面，所以等左一陣先開餐意大利飯都保持熱辣辣而魚柳就攤凍左，見網上其他食客相個南瓜內壁係厚肉，而我既就冇乜肉，廚師唔同定係南瓜品質唔同呢? 我想食啖啖肉呢， 另外皮比較硬，如果唔係我就會整個南瓜都會食埋。
為我地服務嘅男侍應雖然係超級忙碌嘅情況下都會幫我地影相言談甚歡笑容滿面，非常好👍🏻。當我地離開嘅時候因為實在太怕升降機啦，希望男侍應安排我哋行樓梯，可能餐廳有兩個樓梯出口其中一個係要鎖匙，男請示女侍應(應該比較高級吧),但係女侍應表情態度十分之差，感覺就係好似要佢條命一樣，最後男侍應安排我哋通過女廁裏面並冇閂上昌嘅後樓梯落去。 佢哋兩個EQ同態度真係天淵之別。
(早訂位無時限)
张贴
