以前係禾峯開業多年既老牌冬菇亭大排檔～陳根記。因為工作關係多左係石門呢邊搵食，陳根記晚餐對我黎講係較貴，但係午餐同下午茶係好抵食。今次就同大家講下午餐先，午餐既選擇已經好多元化。
佢既Menu分左4種：
1.廚房飯 2.是日精選 3.湯飯 4.抵食推介
廚房飯
1.滑蛋牛飯飯
2.京都豬扒飯
3.咸肉豬油炒飯
4.生炒牛肉飯
午市推介
1.蒸魚排骨飯
2.椒鹽豬扒
食後感：
可能係大排檔班低，炒野真係有鑊氣，蒸魚時間亦剛剛好。特別想講一講椒鹽豬扒，平時出街一定係又乾又硬。但係陳根記既椒鹽豬扒真係好食，味道唔會死鹹死辣，肉質彈牙，咬起黎有少少Juice感覺。如果新鮮既炸蒜，真係錦上添花 。而炒飯類味道偏淡，但係講求健康既年代，起碼不是過鹹，要多少少味可以自己落鹽落豉油，算係可接受水平。
總結：
2餸飯當道既年代，令我更加追求即叫即整既食店。拎出黎熱辣辣，出哂煙既飯菜，未放入口已經滿足視覺既享受。陳根記以54蚊左右既價錢，包凍飲，即叫即炒即蒸，我無投訴。
鍾意食酸野既朋友就不要錯過，因為都真係幾酸，我食完會有D打冷震既感覺。肉質係ok的，不會好un，而且有D彈牙感覺。
$54
1
一開始我都好猶疑食唔食呢個好，驚佢太辣完全食唔到個味道。但係入口一啖之後，味道非常香口，與其話佢辣，不如話佢個辣椒令成碟炒飯好惹味，唔係一般炒飯既味道咁悶。
$54
2
呢個係我力推既一款，因為椒鹽味道不會死鹹死辣。豬扒肉質非常好，食落彈牙，仲feel到有肉汁，有別於一般2餸飯又乾又un既口感。
$54
叫呢味最大原因係見佢有肉有魚，58蚊都預佢分量唔會太多。魚大概手掌咁大，但係豆豉味道真係非常好味，唔會太多導致好鹹，魚質又滑。排骨就中規中距，不過蒸魚蒸排骨從來個汁先係令你添飯既魔鬼，個汁已經夠送成碗飯。
$58
1
