每次經過都被呢間店吸引，開放式的設計，十勝和牛漢堡扒好吸引，今次專程來等位開餐啦！
餐具擺得好整齊，欣賞佢有壼水比人自己斟，讚👍
香烤鱈魚乾 即叫即燒，十分脆香，配蛋黃醬好好味，送啤酒一流！
明太子雞翼2隻
雞翼外皮烤到香脆，入面肉質又嫩滑，食落好有層次。加埋我最鍾意嘅明太子，真係大愛！有呢個選擇，食到好開心！
芥末八爪魚沙律
幾開胃的前菜，清新之選！
木村芥末薑味梳打240ml
Asahi桃味有汽果酒480m
手打和牛漢堡套餐，款式可以揀原味、微辣蕃茄或者三重芝士。份量真係好足，跟餐仲有泡菜、湯、生雞蛋同白飯。大廚燒好之後會直接放喺你面前個暖暖嘅鐵板度，所以食嘅時候一路都保持住熱辣辣，好有滿足感。成個用餐體驗都幾正！
2件和牛漢堡套餐
2件和牛漢堡套餐
呢度係吧枱形式用餐，大家圍住坐，但空間感都仲算舒服，唔會覺得迫。 最精彩係可以即場望到大廚燒和牛扒，香氣四散，睇到都忍唔住流口水，欣賞這個用餐擺位，抽風做得好好。唔怕身上一陣味！
主打北海道十勝產黑毛和牛，仲係香港首間以手打方式製作和牛漢堡嘅專門店，著實冇令人失望！
