影片
更多
2024-04-01
294 浏览
用 QR code 點餐，常餐裡面的炒蛋可以改為 1. 糖心蛋 2. 熟蛋，我哋唔清楚糖心蛋係咪代表太陽蛋，剛好唯一一個男侍應係隔離執枱，我哋就問糖心蛋代表d咩？係咪太陽蛋？點知呢位男侍應話糖心蛋咪就係糖心蛋，糖心蛋即係糖心蛋 (連講2次)，之後又話你哋唔換咪得囉，我究竟聽咗d乜？跟住個男侍應走咗去問另一個女侍應，女侍應又話糖心蛋咪即係糖心蛋囉，點解問得咁好笑？之後另一位女侍應終於係正常回答，糖心蛋即係太陽蛋，真係唔該晒，終於有個係正常態度回覆，講真唔好成日問點解香港飲食業會步入寒冬，劉德華十幾年前都話今時今日咁嘅服務態度係唔夠，我都唔係要求要有咩服務啦，只係想問清楚去選擇想食嘅，點知得到嘅係咁嘅態度，講真我哋當然即刻離開，唔通仲比機會你哋加料咩，永遠唔會再幫襯
张贴