😋 4.8/5
今日係佐敦見到有一間新開既餐廳
原來係食韓國菜 就入去試一下
入到餐廳見到入面9成都係韓國人黎 我就知道呢間野一定好正🙌
點餐果陣有個韓國女人招呼我地 應該係老闆娘黎 佢同我地介紹食物 就介紹左一個烤肉一個湯同埋一個煎餅
首先上菜既係烤大蒜洋蔥牛仔肉，肉質軟淋，好濃厚既牛味，蒜同埋洋蔥都烤到焦香，老闆娘教我用生菜加紫蘇葉夾埋牛肉一齊食，成件事係超夾！十分推薦😍😍😍
第二個菜式既係韓式豬腩肉豆腐湯，腩肉唔太肥，但佢個質地一啲唔鞋，反而係超軟淋，韓國豬肉真係無得頂😚😚加上個湯入面有薯仔 煮到起左沙 飲落口超濃厚 😜
最後上既係香蔥雞肉煎餅，呢個我覺得真係一試難忘，真係無誇張，呢個煎餅真係記住記得真係一定必須要叫黎食，應該係連蔥攪爛變左雞肉餅拎黎煎，佢外面煎到勁香脆，入面係爽彈，勁香口 真係超級好食 係今日既mvp黎，如果點左唔好食返來搵我！
呢間餐廳我覺得好有韓國風味，菜式都相當出色，超值得推薦俾大家！
1
1
1
