Plato Cafe & Bistro (吳松街)

有時兩個人去食西餐唔知叫咩好，二人套餐就一個好好嘅選擇啦！呢間西餐廳係佐敦、新蒲崗同觀塘都有分店，質素有保證✨。套餐有齊餐湯、小食、主菜、甜品同飲品，餐湯可以加錢升級做法式蟹肉龍蝦湯，而甜品可以升級做開心果麻糬提拉米蘇/朱古力心太軟配雪糕/牛角窩夫配雪糕添！🍽️精選二人套餐 $498🥣是日餐湯羅宋湯嘅蕃茄味好濃郁，仲有好多蔬菜，有薯仔、紅蘿蔔、蕃茄、洋蔥等！味道酸酸甜甜好開胃！🍟酸忌廉煙肉薯條薯條係幼身款，炸得非常香脆，搭配酸忌廉同煙肉混合，清新嘅酸味帶嚟開胃感，夾帶住淡淡奶香，令人食唔停口啊！🦞龍蝦汁龍蝦意大利飯龍蝦肉質鮮甜彈牙，龍蝦汁濃郁鮮甜，滲入每粒意大利飯裡面。每一啖食落去都充滿龍蝦嘅鮮味，味道超滿足！🥩炭燒澳洲肉眼牛扒呢塊牛扒煎得啱啱好五成熟😍，外脆內嫩，入口軟滑多汁，滿口濃郁嘅牛味。搭配嘅焗薯香滑綿密，仲有新鮮爽脆嘅蔬菜，配搭好豐富呀！🧀是日甜品估唔到唔使加錢嘅芝士蛋糕咁高質！口感軟滑細膩，入口有濃濃嘅芝士香味，上面仲有條朱古力做裝飾添。💚開心果麻糬提拉米蘇 升級+$38面層撒滿開心果碎，提拉米蘇中間夾緊麻糬，口感綿密又有嚼勁，口感豐富多層次。酒香味恰到好處唔會太濃烈，而且開