🔍中環歌賦街35-37號地舖
-----
「弄堂」即指上海小巷的意思，而上海弄堂則是品嘗上海家庭小菜好地方的意思。這間上海菜，質素一向穩定高質，算是我在香港數一數二喜歡的上海菜，而且佢地位置通常選擇於鬧中取靜地方，幾Chill。
來吃個下午茶，簡單叫了三樣東西兩個人Share，下午茶來說，份量剛好。
小棠菜豬肉餛飩 $65
皮甚富彈性，內餡飽滿，粒粒都幾大隻，小棠菜爽脆爽脆的，豬肉肉汁滿滿，沒甚麼挑剔，就是一共8粒，兩個人分享是有點意猶未盡。
醉雞菜飯 $94
米飯粒粒分明，帶蔬菜清香及微微鹹味，醉雞則非常入味。
蔥油拌麵 $55
好有驚喜嘅拌麵，香蔥唔係平時嘅切細香蔥，係大大條經爆香過嘅蔥，連平日唔中意食蔥嘅我都覺得好香口，越食越上癮，而且油潤得黎，唔會過於油膩。
