THE MOCHIFFON CAKE

最近呢排好多人生日，今次就買左人氣香港本地牌子【THE MOCHIFFON CAKE】既麻糬戚風蛋糕試下，佢地既蛋糕主打低糖低油、相對起黎比較健康。買左時下最流行既開心果味，覆盆子開心果芝士。
開心果戚風蛋糕體鬆軟濕潤，堅果香氣自然濃郁，唔會得個甜字。覆盆子開心果芝士層次分明，芝士綿密滑溜，酸甜果味平衡咗開心果嘅濃厚，食落完全唔膩！戚風蛋糕口感輕盈而麻糬又有嚼勁，面層鋪滿金箔，視覺效果都滿分～蛋糕甜度控制得啱啱好，味道配搭有驚喜，質感輕盈唔heavy。