但今次唔係講點心，因為呢度24小時營業，夜麻麻想食宵夜都無問題！以下是我們試過的幾款小菜，每道都各有特色，絕對值得一試：
🌶️ 招牌山城麻辣雞煲（半隻） $178 呢道麻辣雞煲係店內招牌，香辣濃郁，食到停唔下來！雞肉嫩滑入味，湯底麻辣中帶點回甘，辣度適中，唔會太過火。特別一提，煲入面仲有Q彈豬皮，增加咗口感層次，令人一口接一口。冬天食一鍋，暖胃又滿足！
🐟 蓮香一夜情 $148 菜名聽落好有趣，實際係一道炸魚小菜。魚肉炸得外皮香脆，咬落完全唔使擔心魚刺問題！外皮酥脆得黎有小時候食炸魚嘅感覺，調味簡單卻好香，適合鍾意海鮮嘅朋友，食完回味無窮。
🖤 蓮香燴松花蛋 $158 呢個菜式真是一個驚喜！皮蛋燴到入口即溶，質地軟滑無比，仲配上微微辣椒調味，香氣撲鼻，惹味到極點！呢款菜唔係間間餐廳都有得食，鍾意皮蛋嘅朋友一定要試，保證有新鮮感。
🤎 蓮香秘製扣肉炒飯 $148 呢碗炒飯係我嘅心頭好！飯粒粒粒分明，裹上油光發亮嘅色澤，滿滿鑊氣。秘製扣肉切成小粒，肥瘦相間，入口香濃卻唔膩。飯入面仲有少少蔬菜，增加清爽口感，平衡整體味道。無論係當主食定宵夜，呢碗飯都令人滿足感爆棚！
🫖茶香、小菜惹味，夜麻麻想食嘢唔好錯過啦！
1
2
2
