想講把口真係會自細養出識食點心，因為好唔好食一啖就知道！ 其實呢次都係第一次去京都大酒樓，當我以為大師傅都走晒，估唔到點心真係幾有水準。
當全部酒樓都貴到覺得已經冇辦法搵到一間抵食，點知就俾我搵到黃大仙呢間！
叉燒包真係超正，唔算好大個，但係個叉燒口感完全係細個食嘅味道！
蝦餃燒賣係雙拼，早餐又有優惠價錢，另外仲點咗羊肚菌浸鮮竹、鮮蝦菜苗餃（呢個真係正）
同埋細個每次都會想食嘅灌湯餃，我覺得佢嘅餡都算做得不過不失，個湯底都係鮮甜味，係嚿肉實左少少但調味幾唔錯🫶🏻
今日係星期六佢哋做緊個一蚊優惠，點咗皮蛋瘦肉粥，廣東粥嚟計都算幾綿密，唔好話啲料唔係好夠啊一蚊你重想點？
