譚仔三哥米線 (338 Apartment)

窮毒毒恩物！性格比較I人，收工好鍾意食譚仔一個QR code坐埋一二邊靜靜食個飯。

上環呢間分店中午成日爆棚，因為係商業區夜晚反而好多位坐得好舒適好寧靜。

上手機落單，發現原來手機會員新出咗個優惠，晚市套餐包一杯嘢飲，一個小食同一個米線。用埋會員優惠券唔知買滿幾多錢就送三隻土匪雞翼成餐飯豐富到你唔信。

仲要質素份量都仲keep到水準。土匪雞翼一絕，香口得來嗰隻味真係喺第二度都食唔到。素菜腐皮卷都好足料，食嘅時候要小心，唔係嘅話啲餡會跌晒出嚟。