圍威喂 (誠信中心) (已結業)

呢間喺公司附近，但係一直未有機會食，上星前趁住同同事食飯，就嚟試吓。


泰式濃湯牛三寶船河 $78
三寶係牛丸、肥牛、牛腩，份量足夠，味道濃，但估唔到肥牛有筋，有點失望。


海南雞飯 $78
見到其他枱都多人點呢個，啲雞幾滑，配油飯，跟餐有一份生菜🥬，整體不過不失。


滾濃湯椰香冬陰功海鮮湯泡飯 $72
呢一個最有驚喜，冬陰功湯底惹味，但唔會太辣，另外都幾多海鮮配料（有蝦、大量蜆肉、青口、魷魚）
因為配飯，所以呢個都幾飽。


跟餐加$3 有指定熱飲/凍飲或半價點額外餐飲。不過，上凍飲時間太耐了，同事食完，杯珍珠奶都未黎到。