川滿居 (京都廣場)

今次係二訪啦，一年前嚟食過佢哋嘅酸菜魚，大大一盤，非常好食！

今次試新嘢，麻辣香鍋真心推～
首先可以選擇嘅材料非常多，可以揀自己最鍾意食嘅材料！我非常鍾意爽口嘢，除咗要叫鮑魚之外，就叫咗毛肚牛柏葉牛黃喉同埋蓮藕！我第一次試麻辣香鍋入邊有鮑魚，

非常爽口！我自己就好鍾意食脆毛肚牛柏葉同黃喉，好爽！佢哋嘅麻辣香鍋就叫咗微辣，唔好睇好多辣椒同埋好紅，真心係微辣，我唔係好食得辣都可以接受，仲要麻麻香香咁！我覺得鮑魚同蓮藕係必點！

另外，佢哋嘅前菜酸辣木耳，真心超開胃，好夠酸爽！

另外再叫咗京蔥羊肉，一定要配麻麻皮食，煙煙韌韌！