高街近年來開左多間西餐廳
例如jaspa, high street grill 等等
雖然係左隣右里 但仍然未有時間一試
今次專登上黎睇下有咩岩！
我大概1130左右上到去
但有幾間其實都要12點先serve lunch & only three courses
行過呢間one stop
真係令我stop左入去一試
Lunch set $78-108+10%
有飯 意粉 魚 牛扒 都幾多選擇
環境得價錢okay仲要4courses 就試下啦
始終要有少少甜品作結尾開心啲
時間尚早 但已坐左幾張枱
同朋友傾好後即落order
先上係湯 其實menu係寫cream broccoli
但唔係好飲得出broccoli
不過個湯帶微酸 好開胃
麵包配凍茄醬 不過不失
但唯一問題係我湯都未飲完就上main course喇
個人仲意熱食
野食上得太快了 或許係就番啲上班一族啦
所以同侍應講左聲另一個main慢啲先黎
意式蕃茄醬扁意粉$78
我男朋友好滿意 個人就認為正常啦
不過配扁意粉like
烤雞紅菜頭燴飯$88
一黎到即有驚喜！粉紅色既飯好靚呀
之前朋友係九龍食過類似已經好想一試
估唔到呢到讓我遇上
勁滿意！味道好 飯中有一粒粒紅菜頭 帶忌廉味
另外烤雞唔會好老好乾like！
餐飲都有驚喜
凍檸茶係有個器加入檸檬汁
唔會因浸得太多令飲品變苦
咖啡係配上熱鮮奶 而且倒出黎有兩中杯既份量
甜品今日serve lime cheese cake
比較light作飯後品好滿意
Lime味唔係話好濃 但係有的
Overall好滿意今個lunch 會係一間會令我再想去既餐廳
Ps如果有小朋友 佢會有專for小朋友既餐具同碗
甜品仲可以轉雪糕
呢個價錢同質素 正！
