Koh Tomyums

平日去沙灘玩，黃昏試吓去呢間朋友介紹過嘅餐廳碰碰運氣，竟然仲有戶外位可以坐🙌🏻可以望住成個沙灘享受美食，真正！夜晚仲見到少少迪士尼無人機表演添😍


叫咗
椰子雞湯，大約二人份量，好香椰子味酸酸地好開胃～老公好鍾意

沙嗲六串，牛肉燒得好香脆，一啲都唔靭，有驚喜😋雞肉調味都好唔錯，依然保留到肉汁水份

泰式炒河，一見到啲河粉就feel到佢好正宗！好耐冇食過咁正式嘅炒河，我哋揀咗蔬菜配料，感覺比較Fresh，好好味，略甜，可以鹹返少少更好。

咖喱雞，咖喱味同椰香味濃郁，冇辣，小朋友好鍾意食，叫咗兩碗白飯嚟撈，好正！

整體嚟講今餐食得好開心，個景同食物都冇得頂，下次一於再過嚟食！💗有機會試埋個甜品先

餐廳侍應個個都好友善，非常之好

1