錦麗 (創紀之城五期(apm))

Lunch time 去左APM，想食d輕食粉麵，見到錦麗都算多人，就入去食下～

佢地都係QR code落單，等野食等得唔算耐。我揀左個越式蟹肉餅番茄湯檬粉，個湯底幾濃，有唔少蕃茄但唔會太酸，配有扎肉、蟹肉餅、洋蔥。個蟹肉餅算足料，蟹肉比例幾多，不過檬粉偏少。其實我想轉河粉，但佢呢個唔俾轉其他粉麵…如果多d 選擇會更好。

餐飲我加左$5叫左凍檸檬水（少甜少冰），大大杯，正正常常。

我呢個餐咁就91蚊了，其實都幾貴。不過整體味道算係唔錯另外朋友仲叫左個生牛肉河同椰汁三色冰，佢話味道唔錯。