九町屋

营业中

休息中

糧尾食平d, 竟然比我地搵到係炮台山同天后之間呢間小店, 主打日式便當、拉麵等, 價錢親民, 味道亦唔錯, 全日免加一, 係糧尾首選!【豬軟骨 自選】豬骨湯輕盈突出, 拉麵Q彈, 豬軟骨就連軟骨都煮得好林, 肉味濃郁!【蒲燒鰻魚便當】便當豐富, 厚燒鰻魚惹味, 配上珍珠米飯, 非常滿足。配菜有前菜、醃蘿蔔、迷你蕃茄、冬菇、玉子、肉粒等等…仲有埋糯米糍做甜品, 抵食!主食另+$10可追加飲品,百香果綠茶     芒果綠茶    兩款綠茶果味濃郁, 清新消暑, 解渴一流。【吉列黃金蝦(配手作他他汁) 】炸蝦炸得金黃鬆脆, 蝦爽口, 點上他他汁, 味道更提升。