金興潮洲飯店

营业中

休息中

本司機最中意食打冷。即使食物來來去去都係個啲，但都覺得百吃不厭，樂此不疲。而金興就是我其中一間至愛的打冷。個烚花螺，個樣好似細細粒，其實都好有肉地，而且好有鮮味，點下辣椒醬同甜醬真係好惹味！滷水生腸﹑鵝腸同魷魚都係無得頂。呢啲膽固醇之友真係本女子的最愛，有爽又滑又鮮，點埋個潮式辣椒油真係無得輸。仲有，無影到相的，唔係好多地方有得食的沙搥魚。啲魚炸過兩次，炸到金黃色，連啲骨都可以食埋，超有魚味！送啤酒一流！而加呢個時代，想搵啲海魚﹑有魚味的魚食，係多麼困難的事。最後，打冷最重要一定係啤酒。呢度啤酒多選擇﹑夠凍，爽到爆！做好最基本的潮州食物，保持到老味道，就是一件令人感動的事。