脆香芝麻芋絲夾 ($28) ★★★★★
有少少芋頭糕嘅感覺，表面嘅芝麻脆皮幾香口，芋頭亦都有飽足感，呢份比較平價嘅點心幾有驚喜。
芫茜鮮沙薑豬手粒 ($78) ★★★★★
有整過豬手嘅都知道斬碎豬手啲骨有幾難，佢呢碟成功整到細細粒好索沙薑汁，吮啲豬手肉好過癮，而且份量唔細(有十幾廿粒)。
巴蜀紅油抄手 ($38) ★★★☆☆
話係巴蜀但係用廣東餛飩皮包嘅韭菜餃，而且係用泰式甜酸醬加豆豉整嘅紅油醬，所以唔係太似平時食開嘅紅油抄手，味道都一般般。
香茜馬蹄牛肉腸 ($55) ★★★☆☆
非常濃厚嘅芫茜味，而且都食到粒粒馬蹄，所以熱愛芫茜嘅食客可能會好中意。不過我略嫌腸粉皮太厚，顯得牛肉餡份量唔夠。
整體而言，以一間精緻細細間嘅酒樓嚟講，點心款式有新鮮感，食物質素還好。至於有評價講嘅服務混亂，有啲點心真係等得耐啲，而且因為新開啲員工未熟練所以偶有上錯菜嘅情況，希望過一排情況會有改善。
20
39
1
