山下菓子 (如心廣場)

山下菓子終於落戶荃灣啦，期期都有晤同公仔主題可以打卡，今期主題系加菲貓，餐廳布置得好靚，公仔真係好得意！岩晒小朋友同加菲貓粉絲影相打卡。

餐廳仲有好多加菲貓精品賣，食完飯仲可以行吓買吓。

野食選擇豐富，多款日式蛋包飯同意粉，賣相精美。

吉列豬扒咖哩蛋包飯
豬扒炸到脆卜卜，自家制咖哩汁香而不辣，滑蛋用咗日本蛋整，更加香滑可口。

玫瑰蘋果沙冰
賣相不錯，玫瑰味好出，清新消暑。

飯後甜品再叫一個北海道哈密瓜梳乎厘，現叫現做，非常新鮮鬆軟，充滿蛋香，哈密瓜新鮮多汁，口感綿密冇渣，質素非常高！