仁芝初

营业中

休息中

今次嚟旺角行遠街後係慕名嚟買仁芝初芝麻系列返屋企食。之前睇到post話佢地係用湛江芝麻，每天堅持人手炒製，芝麻味夠晒香就一直心旭旭想試。叫左芝麻糊併綠豆沙，外觀睇落非常亮滑，黑到閃閃令，質地濃稠，唔會水汪汪，食落又香又滑。而且食落唔會覺得好甜好膩，夠順喉，好味道。另外，我再買左生芝麻湯圓，幾時想回味佢地嘅芝麻口味都得，湯圓同樣咁高質素，我呢種懶人都係加少少片糖，已經非常好食！湯圓皮唔會好易煮到糊晒，食落仲係煙煙韌韌。芝麻餡料好香滑。