Set for two 抵食二人餐（$408）
二人餐包括咗餐湯/沙律及飲品，兩款主食、一款小食以及甜品，真係超抵。
1
蒜蓉生蠔四隻
生蠔大大粒好新鮮， 仍然保留住少少海水嘅鮮味， 大量蒜蓉超惹味，食完覺得唔夠喉。
西班牙海鮮意大利飯
有大大粒青口、大蝦、魷魚及蜆肉，好豐富同鮮味。有別於正宗西班牙飯既酸辣風味，佢以葡汁作取代， 更符合香港人嘅口味， 好執滲透每一粒飯， 味道好濃郁好creamy， 但又唔會蓋過海鮮嘅鮮味。
香煎比目魚扒
比目魚扒色澤金黃， 外皮煎得非常香脆 ，內裏魚肉鮮嫩滑潤，煎嘅火候控制得好好，保持咗魚肉嘅鮮甜同嫩滑， 簡簡單單嘅調味已好食。
酥炸魷魚鬚（+$28）
咁嘅價錢咁嘅份量真係超抵食，脆卜卜又彈牙， 表面灑咗海苔粉，加上他他醬， 一條接一條食過不停。
意式白酒煮蜆（+$38）
蜆肉鮮嫩無沙，蜆汁清甜，白酒既醇香令蜆肉更提鮮，酒既香氣同蜆既鮮美相得益彰。
牛角窩夫配雪糕
一上枱已經充滿牛油香氣，好香好吸引， 牛角窩夫非常酥脆，外脆內軟。 雪糕嘅軟滑與牛角窩夫嘅酥脆形成絕妙對比， 冰凍嘅雪糕與溫暖嘅牛角窩夫帶比人唔只雙重嘅享受。
開心果麻糬提拉米蘇(+$48)
餐廳嘅招牌甜品，幾乎見到每一台都有叫。 表面佈滿咗大量新鮮嘅開心果碎，好有咬口，中間係開心果醬mousse， 口感順滑濃郁， 包裹住一粒粒非常煙韌Q彈嘅麻糬， 最底層係tiramisu蛋糕，咖啡與酒香融合得剛剛好， 味道同口感嘅層次都極豐富！
