馬泰

同朋友行完街，好攰同肚餓搵地方食飯。
餐廳雖然隱藏於銅鑼灣鬧市之中，位置雖然唔算當眼，但勝在交通方便，地鐵站行過去只需幾分鐘，餐廳裝修簡約舒適。憑藉其親民嘅價格，吸引咗唔少客人，幾抵食。


叫咗個菠蘿炒飯，虎蝦大大隻，炒飯夠鑊氣。


馬拉盞通菜，通菜新鮮翠綠，口感爽脆，味道鹹香惹味，帶有微辣，炒得好夠鑊氣。


海南雞飯都好多人叫。


另外必食推介，杏仁蝦，好特別，喺其他地方未見過！！ 非常之香口，爽脆，大大件，一碟仲有咁多件，夠晒咁多人分，每人兩件都已經食到好飽。