午餐都有好多選擇，全部都係$40，而飲品就另外加錢。
香茅豬扒飯 ($40) - 好特別咁跟有一碗咖喱汁，問一問侍應，原來佢哋嘅香茅豬扒飯真係會跟一小碗咖喱嘅。😂😂😂
咖喱入面有兩嚿薯仔同少量洋蔥，咖喱味道香甜。而香茅味就係醃肉時加咗入去醃豬扒，所以整碟豬扒飯，都唔會見到香茅，而係豬扒食落有淡淡嘅香茅味，豬扒口感乾身左少少，如果肉汁多D更好食。
香葉炒飯 ($40) - 除咗金不換之外入邊仲有法邊豆粒，飯身炒得夠乾身、夠鑊氣，唔油膩又十分惹味。雖然冇咩配料，但係都相當好食。
熱咖啡 ($10) - 本身已經加咗煉奶，所以唔使加糖都已經夠甜。味道濃郁，口感滑溜。
凍咖啡 ($10) - 夠濃夠滑，都幾好飲。
