・・・・・・・・・・・・・・・・・・・・
主食+$45轉套餐，配湯&小食一款
🍝 紅椒忌廉醬蔬菜煙斗粉配煎蛋 HK$78
・味道：微微辣嘅忌廉醬配甜嘅紅椒食到好上癮，啲醬喺晒煙斗粉入面一咬爆汁好好食！蔬菜夠甜冇草青味，羽衣甘藍好fresh有輕輕用鹽調味。煎蛋好重蛋香味，似係日本蘭王/曉嘅蛋XD
・口感：蔬菜好fresh，各有各咬口～
1
🍛 日式奶油燉菜雞肉飯 HK$78
・味道：奶油夠light唔會好膩，素雞肉係腐皮加少少素肉咁，不錯的。蔬菜燉得入味軟腍。
・口感：不錯不錯，軟腍好食～
2
🥣 土耳其香料蕃茄扁豆湯 跟餐
・味道：好多香料加蔬菜粒，飲落有蕃茄味但唔會搶晒所有嘢嘅味，蔬菜甜味依然飲得出。
・口感：好多蔬菜粒咬吓。
🍠 香菇芋蓉紫菜煎餅 跟餐
・味道：泰式酸辣醬+齋嘅芋頭魚+韓式紫菜底，就係佢嘅味了！想像到嘅味道但配搭幾新穎。
・口感：紫菜脆加好smooth芋蓉整嘅小pizza咁，口感幾豐富。
🍄 蔥油手撕雞髀菇 跟餐
・味道：佢似係麻油多過蔥油，但其實好light所以唔會覺得好油。雞髀菇正常發揮～
・口感：幾爽有咬口。
🍹 紫蘇薄荷lemonade 跟餐+$14
・味道：以為好普通點知有啲驚喜，一入口好重紫蘇葉香，唔會好甜不錯飲的。
・口感：fresh～
🌼 酒香桂花豆腐批 HK$46
・味道：一入口係酒香同桂花香，之後就有豆腐味，係0甜豆腐蓉嚟，食到得出蓉嘅質感，豆味足。最底嘅批底偏甜，但因為豆腐蓉0甜，所以夾埋都唔會好甜～呢個味道好balance，整體幾出色(๑´ڡ`๑)。
・口感：批底幾硬，因為素食pastry冇用麵粉就係少咗嗰種鬆軟感，口感接近脆餅，但可以接受。
・・・・・・・・・・・・・・・・・・・・
🤰性價比：高～
🤰9衝度：9衝～
🤰結論：兩訪同樣出色嘅素食餐廳！
・・・・・・・・・・・・・・・・・・・・
6
