麻辣香鍋

营业中

休息中

今次係第二次幫襯，上次係食中午餐，今次再黎食可以單點小菜。水煮牛肉 $158 呢個價錢，咁大盤，係好好食性價比高，牛肉片好彈，牛味重。藤香雞 $66 好入味，雞肉鮮嫩，仲有脾位。干鍋$28 底，自行添加唔同食物 ，新鮮鮑魚四隻$68,原來炒起上嚟好夾 。鮑魚係新鮮即劏，好彈牙。五花肉片$42 炒香，肥瘦均勻，蓮藕$28,蓮藕切得好薄麻麻辣辣食起上嚟好爽口 ，腐竹$28 腐竹吸收曬麻辣精華仲有少少鮑魚嘅新鮮甜味 。萵筍28 ，切薄片又爽又甜。兩杯凍檸茶，好爽。