一焼肉

近日試咗九龍灣一間主打日式燒肉嘅餐廳，一人一爐設計非常方便衛生，環境亦夠寬敞舒適。點咗「夏の味和牛盛」套餐，有A4鹿兒島和牛西冷同肉眼、五花鹽麴、醬油虎蝦等，份量啱啱好。

燒肉小貼士：牛肉落爐記住唔好燒太耐，一見變色就翻面，另一邊燒一陣就要即刻夾起，咁先可以保住肉質鮮嫩

配菜方面有紫菜溫泉蛋飯，撈埋海苔、蛋黃、芝麻香氣一絕，再配碗味噌湯，溫暖又滿足。虎蝦新鮮厚肉，醬油調味好惹味，連牛肋條都可以燒到嫩滑！

整體性價比高，特別係套餐優惠價吸引，如果你同我一樣係和牛控，呢間燒肉店絕對值得一試

1