星巴克咖啡

营业中

休息中

今日同男朋友朝早係灣仔搞完d正事之後，去左Starbucks食早餐。叫左4款野食同2杯野飲，成為我地既豐富早餐。蘑菇西蘭花烘蛋粟米包三文治都幾大份，但食落冇咩味，比較淡口，屬於健康既選擇。辣雞肉牛油果醬三文治既雞肉只係微微辣，相對上一款比較有味道。雞肉蘑菇批係最好食既一款。雞肉同蘑菇好夾，調味唔錯，加上鬆化既批皮，好食。粉紅寶貝冬甩係新產品，原味冬甩上覆蓋士多啤梨朱古力，有幾粒白朱古力脆珠，賣相靚，食落就冇咩特別。朱古力咖啡正常水準。冰搖蜜桃啫喱綠茶唔錯，幾香茶味。