成興魚蛋粉

营业中

休息中

在佐敦德成街靚樓林立嘅地方，難得會有一間平民食堂。食碗魚蛋粉30幾，叫個清湯牛腩飯都50有找。幫襯的時間其實都四五點，但竟然都坐滿客人，但當我望望枱上的牛腩，心裡都大概明白。清湯牛腩飯最怕莫過於腩肉煮到似煲湯瘦肉一樣，乾柴又無味。所以清湯牛腩最好一定要有一定肥肉，添上牛肉脂香，以及提升湯頭味道。至於成興用的清湯牛腩算係合格，間中係有一兩舊的確有如乾柴，但有油脂依附的牛腩入口中和瘦肉的乾癟，讓脂香於口腔中漫遊。腩汁亦吸收了牛腩的甜，撈飯更正。至於湯就正常紫菜湯發揮，足料夠大碗。反而我嫌白湯偏少，餸仲多過飯，女士食或者夠嘅。但其實成個清湯牛腩飯有菜有肉有湯，都係45蚊埋單。當我食完起身走走，都有撐住肚皮的感覺。