泰象館

营业中

休息中

晚飯未夠七點嚟到，就要排隊。排咗好幾個字先輪到我哋。要搭枱。環境熱鬧但唔算舒適，太迫。點咗幾樣嘢，算係配搭均衡：小碗冬蔭功，酸辣正宗，份量兩個人啱啱好；泰東生菜包，生菜新鮮爽脆，肉碎味道鮮辣，份量足；馬拉盞炒椰菜苗，份量適中，不過菜葉嫌老，口感太硬；串燒三拼，牛豬雞三種各二，但係醬料唔夠多，而且偏甜甜，口感唔夠豐富；菠蘿海鮮炒飯，整體可以，但摻雜有臘腸唔道地，有啲牽強；芒果沙冰，有誠意，滿滿一大杯，賣相好靚，同埋冇添加任何其他材料，淨係得芒果同冰。成餐飯係泰國嘅味道，但係又冇乜驚喜，過得去啦。