其實呢次聚會已經過左一段日子 可惜一直忘記出返個食評
呢間餐廳係食中西fusion菜 餐廳格局亦係中西合壁 型格舒適
臘腸炒椰菜仔🥦幾特別幾好食 又唔會好油膩
四川麻辣枝豆🌶好惹味 連平時唔食枝豆嘅我都鍾意
避風塘雞棒🐔啖啖肉 肉質又滑嫩惹味
麻婆豆腐薯條🍟好特別嘅配搭 會上癮不斷想食 如果辣辣地會更加正
咖哩軟殻蟹包🦀麻麻地無乜味 賣相吸晴
雲吞脆皮鳳尾蝦🦐無汁嘅位完全無味 亦都食唔出蝦味 幾失望
菠蘿包皮焗紅咖哩原隻野雞仔🐥菠蘿包皮好脆 店員會幫忙分開個皮
仲會幫忙切開隻雞 雞幾入味而且幾嫩 唔錯
蒜泥白肉🐷全枱一致認為呢個好奇怪 個汁酸酸地
完全無蒜泥白肉嘅感覺 只係沾左酸味嘅肉
另外我地都有叫cocktail 擺相係幾好睇
但飲落都係麻麻地 抵唔抵食就見仁見智
