🍚 定食包括：
・3大塊和牛漢堡扒（每塊90g）
・白飯任裝
・味噌湯1碗
・日本生雞蛋1隻
🥢 食法好有心思：
第一塊試原味—和牛油脂香濃，咬落肉汁爆出，口感軟熟得嚟唔會太油膩！
第二塊配白蘿蔔蓉同柚子醋—清新嘅酸味正好平衡油脂感～
第三塊撈生雞蛋飯食—蛋漿包裹住漢堡扒同飯，滑溜香濃完美收尾！
🍺 另外加咗杯Sapporo啤酒，同漢堡扒都幾夾～
成個體驗好滿足，$168可以食到A4和牛質素，白飯任裝絕對夠飽，而且三種食法各有特色唔會悶。環境乾淨企理，服務細心，會主動教客人點食最正。想試嘅朋友建議早少少去排隊，晚市幾旺場㗎！
