位於中環蘭桂坊一帶嘅居酒屋🍶門面設計日式感滿滿😍有日式燈籠🏮櫻花🌸日系貓面具🐱內裡有日系酒吧式長臺，環境氣氛輕鬆👍店員亦好有禮貌🥰食物都有驚喜，款式多而有質素😋
🥑三文魚牛油果沙律
新鮮厚切三文魚配上新鮮優質牛油果，表面淋左日式芝麻醬，底下有沙律菜做加上甜甜酸酸既沙律醋醬汁配搭，食落開胃又帶點滿足感
🍤炸物拼盤
有四款唔同既炸物同沙律菜，有外皮炸至酥脆既多春魚，味道香口既椒鹽豆腐 仲有表面炸至金黃既雞軟骨同埋八爪魚，香口到食唔停
🍢串燒
拼盤有唔同款式既串燒，首先有烤至薄脆既雞皮，油香四溢，而大蔥豚肉串同豬頸肉串鹽燒至表面焦脆，淡淡肉兼咸香滋味，雞翼調味亦都做得唔錯，仲有兩款蔬菜同沙律菜，多汁脆肉瓜同埋香甜蕃薯仔，可以解一解膩
🐟三文魚炒飯
滿滿既三文魚炒飯，飯面炒至金黃乾身而且粒粒分明，上面仲鋪上三文魚籽，食落每一口都夾雜住三文魚粒同粟米粒，香口美味
🍨抹茶芭菲
清甜既抹茶味雪糕配上香甜軟腍既紅荳，配搭恰當，仲有大大塊脆餅伴埋一齊食，香脆好味
