宿宿醉

同同事即興食午餐，但佢都好有準備，四條友，book定位。問佢有咩推介，咁佢話個炸雞翼必試，咁個lunch set包主食、小食同埋飲品。我就叫左炸雞翼，牛腩回魂粉。

我地三個都被個同事感染叫左份雞翼，話有四隻，其實係單邊。但每邊雞翼都裹上好重炸粉，所以都幾大舊。等唔徹試左先，個雞翼食落唔油，好重牛油香味，佢表面好似有加到啲調味粉，好惹味餐廳仲要將全部人既雞翼放埋一齊，幾驚佢地食左我個隻啊。

個牛腩回魂粉啲牛腩幾好味，但個麵就對我黎講有啲硬，個湯做得幾唔錯。中規中矩。

呢個撈檬個同事叫既，佢話幾好味。

為左個雞翼，我可以再返黎啊。