壹鍋峰

石門區近年突然發展起來，住在附近的街坊終於有啖好食了。今日第一次食一窩蜂的港式早餐，點了我最喜歡的雪菜肉絲米粉，還有凍奶茶，整體不錯。

原來此餐廳晚上係做港式打邊爐，而早餐就係港式茶餐廳。我最滿意個凍奶茶，茶味好濃厚而奶味適中，冰量亦都啱啱好，抵讚👍🏻我真係好怕有啲餐廳，我叫凍奶茶佢比得幾粒冰我舖面，飲管插到底係飲到熱嘅部份。今次啲杯凍奶茶絕對有80分。

凍奶茶

雪菜肉絲米粉正常水準，雪菜份量都足夠，米粉唔會煮得過龍。牛油麵包就薄左少少，麵包有少少淋。煎蛋同埋火腿都係正常，不過不失。

整體而言今次都算唔錯，下次可以試吓佢個晚飯火鍋。始終港式火鍋而家喺香港都買少見少了。

揸車嘅人士可以拍喺餐廳外面，睇住架車就唔怕俾人抄牌啦。不過石門區都幾多位違泊，要搵個位拍正門口都唔係咁容易。