鼎泰豐

营业中

休息中

今晚我們去咗「鼎泰豐」新港中心店食晚飯！我們叫咗蟹粉小籠包、蝦仁燒賣、蝦肉煎餃、原味水晶肉、酒糟鴨舌、蟹粉豆腐、紹興醉鷄、台式酸辣湯、炸醬拌麵、紅燒牛肉湯麵、原盅牛𦟌湯麵同鳳梨酥！蟹粉小籠包嘅皮好薄，夾起嚟食唔會好易穿，有好多湯汁，肉質鮮嫩同有著濃濃嘅蟹黃味！另外有隻好精緻嘅蟹公仔，真係好可愛！係本人嘅必食推介！蝦肉煎餃嘅賣相好特別，六隻煎餃連埋一齊嚟煎，令到煎餃嘅外皮非常香脆！原味水晶肉嘅肉唔會好硬同好實，啫喱好煙韌彈牙！紹興醉鷄嘅鷄肉好嫩滑同彈牙，酒味清香濃郁！紅燒牛肉湯麵嘅湯底好濃郁，牛肉亦炆得好腍，麵質較腍，唔係好彈牙！台式酸辣湯嘅酸辣味道恰到好處，唔會太酸同太辣！