牛繁一人燒肉 (朗晴坊)

午市經過試左一人餐，味道ok。
結帳後喺門口最角落位見到有午市優惠海報，優惠午市套餐送汽水或者牛胸花（50g）。
所以我問返職員，點解無送汽水。
佢話網上有寫，同埋佢地唔會主動講，因為無可能每個客都講一次。但當時包括我在內，得5個客。只係主動講一句，係唔係真係咁難？
職員仲話QR code 落單時有得揀。我話有價錢。佢話要撳左落去先會轉免費。
正常無打算飲汽水嘅人，見到有價錢要比錢，都唔會撳入去。

食完一次後嘅體驗係，佢地原來唔想吸納新客，只想做舊客生意。因為我無食開，唔知佢地規矩，就係我問題。
無所謂嘅，反正無下次。

大家去食之前，記得要上網睇下有關佢嘅網頁先，因為唔會有人同你解釋優惠內容。